هاليوم شفت ... كرساف وبحزاني

هاليوم فرحت لمن شفت بعشيقة وبحزاني

هاليوم آني ما عايش بعذابي واحزاني

* * * * *

هاليوم يوم فرحتي وضحكتي صايرة

هاليوم خليت الدنيا هي اتكون حايرة

* * * * *

هاليوم شفت خورزان وكرساف

وهسه دا اكتب وما اگدر اگلكم شنهي الاوصاف

* * * * *

هاليوم لترابنا احنا رجعنه

وهاليوم من الفرح نزلت من العين دمعنه

* * * * *

بالغربة على أهلنا بچينه

بالغربة على أهلنا حچينه

* * * * *

ردت أگلكم من أولها بس آني أستحيت

بالغربة أشتاگيت ألكم وعلى حبكم بچيت

* * * * *

حب أهلي وأصدقائي يبقى عالي

حب كرساف وخورزان يبقى غالي

* * * * *

هاي هي شفنا منبع الطيبة

هاي هي شفنا كرساف الحبيبة

* * * * *

كرساف تبقين أنتي اجمل مدينه

راجعيلچ وأحنا هسه جينه

* * * * *

بعشيقة وبحزاني أريد أزوركم أهوايه

وأشم هواكم وألتذ طعم زيتون وهاي أليه كفايه

* * * * *

بيبان بوزان ختارة باعذرا اشتاك الكم ليش

اب هاي الدنيا وحيد وأبدونكم آني ما اعيش

* * * * *

شيخكة أفدي ألچ روحي ودمي ومن حياتي كلشي

بس أشوفچ مرة وحدة گبل ما اغمض عيني وامشي

* * * * *

شيخان ماكو أحلى منچ وأحلى انتي أب شهر نيسان

اتكونين أحلى وأجمل وعندچ انصير اب حالة النسيان

* * * * *

سنجار أشبيچ .. وين انتي وشنهي هي الاذيه

طرا اريد احضنچ مرة وحدة وهاي هيه

* * * * *

أحبكم حيل والله وأنتم روحي وحياتي

أتذكركم واسمكم اب كل اوراق من اوراق ذكرياتي

* * * * *

فلا أدگولو هذا نسانه وراح

طرا أني ابدونكم ابد ما مرتاح

* * * * *

صح آني بعيد منكم

بس كونوا اب علم آني أبنكم ومنكم

* * * * *

أبد ما أنساكم .. والله ما أنسه

مو هاليوم راجع ألكم ومفرح آني هسه

* * * * *

هاليوم شفت الحلم أجاني

وشفت أب حلمي آني رايح للكرساف وبحزاني

* * * * *

فرحتي جانت أبد ايديه

وهسه هي خلصت وراحت عليه

* * * * *

چانت كل هاي ..هي الاحلام

چنت أحلم وآني اب نص الظلام

* * * * *

آني دا أحلم من البعيد وآنه كلش مو زين

لان آني ابتعدت منكم وهاي صارلي چم أسنين

* * * * *

بس ويا هاي آني صابر على الفرح ويجي يدگ على الباب

صابر على الفرح و يوديني أب حضن الأحباب

* * * * *

صابر على الشوگ والحنان

صابر لرجوعي من هاي الاوطان

* * * * *

صابر على أللي سوينه وندمنه

صابر على أن نبني أحنا أللي هدمنه

* * * * *

أحمل كلشي آني أب عذابي

حتى أشوف أشويه صحب يم أصحابي

* * * * *

حتى أشوف أبوي وأمي

وحتى أنسى حزني وهمي

* * * * *

حتى أحضن وأبوس أخدود صديقي صباح

وحتى أشوف الشمس من تشرق أب صباح

* * * * *

تشرق أب بلادي وأتعلي أب فوگ الجبال

وتشرق علينا وتنطي ألنا أمال

* * * * *

لازم أصبر على ما أشوف أمي وأبوس ايديها

لازم أصبر على ما أشوف كرساف أللي آتي أتكبرت بيها

* * * * *

لازم أروح للكرساف وأروح بين حضنها

لازم أروح للكرساف وأشوف أللي چانت أني أضنها

* * * * *

لازم أروح

لازم أروح

* * * * *

فاليوم شفت ... كرساف وبحزاني

وهاليوم آني نسيت عذابي وأحزاني

* * * * *

* * *

هيمان الكرسافي